კურსორი

სამაუწყებლო კომპანია ,,მეცხრე ტალღა” მაუწყებლობას ახორციელებს ქალაქ ფოთიდან. ახალი ამბები კი პირდაპირ ეთერშია 2002 წლის 26 მაისიდან. საინფორმაციო გამოშვების პირდაპირ ეთარში წარმოება პირველი პრეცენდენტი იყო რეგიონში. იგი შესაძლებელი გახდა აშშ-ის საელჩოს ფინანსური მხარდაჭერით. მეცხრე ტალღის ახალი ამბების სახელწოდებაა ,,კურსორი”. იგი ეთერში გადაიცემა ყოველ დღე (შაბათ- კვირის გარდა) 19 საათსა და 30 წუთზე. (მეორდება 9:00, 24:00). 2006 წლის 26 მაისიდან კი ,,მეცხრე ტალღამ” საკუთარი ძალებით შეძლო ახალი სტუდიის დამზადება, ახალი ამბების შეიცვალა ფორმატიც. რუბრიკებს დაემატა ,,ჟურნალისტური გამოძიება”, სტუმარი სტუდიაში, პორტრეტი, სატელეფონო ჩართვა და ა.შ. ახლომდებარე რეგიონების ახალი ამბები. ,,კურსორში” პრიორიტეტი ენიჭება ისეთი თემებს, როგორიცაა ადამიანის უფლებების დარღვევა, კორუფცია, ჩინოვნიკთა უფლებების გადამეტება, სოციალური და ენერგეტიკული პრობლემები, უმცირესობების როლი საზოგადოებაში და სხვა.
   ,,მეცხრე ტალღა” ინტენსიურად თანამშორმლობს არასამთავრობო ორგანიზაციებთან, აწარმოებს სოციოლოგიურ კვლევებს, უკავშირდება უცხოეთში არსებულ ქართულ სათვისტმოებს, საიდანაც მაყურებლისათვის ცნობილი ხდება უცხოეთში მცხოვრები ქართველების შესახებ.
   ,,კურსორის” ჟურნალისტური გამოძიებით არაერთხელ დაინტერესებულან სამართალდამცავები, მასზე ხშირად აღძრულა სისხლის სამსართლის საქმე.   
  რუბრიკაში ,,სტუმარი სტუდიაში” მოწვეულები არიან ქალაქში მიმდინარე მნიშვნელოვან საზოგადოებრივ- პოლიტიკურ მოვლენებთან დაკავშირებით ფოთში ჩამოსული სტუმრები.
  რუბრიკაში- ,,პორტრეტი” სიუჟეტიები მზადდება ცნობილ, კოლორიტულ სახეებზე.
რუბრიკაში ,,სატელეფონო ჩართვა” მაყურებელს საშუალება აქვს მოისმინოს ცენტრალური ხელისუფლების, პარლამენტარების, არასამთავრობო ორგანიზაციათა წარმომადგენლების, ექსპერტების აზრები თუ შეფასებები. 
 ,,კურსორში” ხშირად მზადდება სიუჟეტები ტელემაყურებელთა სატელეფონო ზარებითა თუ ,,მეცხრე ტალღის”ოფისში სტუმრობისას გამთქმულ ინტერესის სფეროებზე.